E co remate do "Capitán Calzoncillos", abrimos paso á nosa última lectura deste curso escolar: " A avoa Gánster".
Ampliamos o grupo de lectores, pois durante o 2º trimestre varios nenas e nenos mostraron desexos de participar, polo tanto Benvidos!
Ao longo deste mes de maio reunirémonos cada venres para ler, falar e desfrutar xuntos da lectura.
Ao longo do 2º trimestre estivemos lendo "Capitán Calzoncillos". Unha divertida historia de travesuras. A diversidade estivo presente neste libro. Na última xuntanza e no remate do libro puidemos ler cando foi a primeira vez que se escribiron as fazañas dos protagonistas. Quedamos abraiados cando descubrimos que autor era un alumno que debuxaba e inventaba historietas nos seus tempos de castigo na escola e que estas foron despreciadas polo seu mestre do momento.
Comentamos a nosa trastada favorita do libro.
Esta sesión estivo acompañada duns ricos cupcakes que nos fixo o noso cociñeiro.
Ao longo do curso a Biblioteca foi ampliando como cada ano os seus fondos. Amosamos algúns deles, pois a novidades pouco tempo pasan nos estantes...ver que desfrutamos con elas é marabilloso.
Chegou o Día do Libro e con él varias actividades para celebralo. Este ano fixemos unha Feira do Libro. Para mercar empregamos "Reciclos" (un billete que deseñamos polo Día do Consumidor). Día a día fomos conseguindo Reciclos en función dunhas premisas pactadas ( froita nas merendas, comportamento axeitado...). Encantounos mercar. Gastamos moito e mercámolo todo!
O martes 25 tivemos o apadriñamento lector. Como cada ano o alumnado do IES visitounos para contar historias e tecer lazos.
O venres 21 de abril, foi especial. Tivemos a visita de dúas membros da Once e o seu can guía. Contáronnos como se desenvolven para moverse pola cidade, o significado do bastón que levan e a súa función, como podemos axudar...
Tamén tivemos a posibilidade de camiñar co bastón cos ollos tapados e ver como Rudi ( o can ) lles axuda cada día.
Finalmente fixemos preguntas.
Unha actividade enmarcada no PDI "A biblioteca coa igualdade e a diversidade".
Con motivo do deste día, realizouse unha proposta no corredor, buscando captar a atención do alumnado. O expositor énchese de libros diferentes que nos invitar a ollar. Tamén unha suxestión para buscar.
Tamén se realiza unha proposta na biblioteca. Trátase dun xogo co que realizamos o noso retrato cubista. Lanzamos o dado, escollemos unha a unha a peza indicada na plantilla e unha vez composto o noso rostro Picasso, debuxámolo.
Este curso as mochilas viaxeiras levaban unha tarxeta de viaxe que cada un /unha completou como máis lle gustou. Viaxes ilustradas, inventa...
