LETRAS GALEGAS 2024

 Adicamos este día a Luisa Villalta, cun programa de radio e co noso mural como cada ano. Así de fermosa toca o violín a autora no noso corredor.

MEDICIBRÓN

 Medicibrón é o noso xabón! Un xabón feito con ingredientes naturais enriquecido con aloevera. Elaborámolo coa axuda da nosa coidadora ( a voz sabia no tema), pensamos un nome, deseñamos a etiqueta e envasámolo para levar ás nosas casas polo día da Familia.

Día do Libro nas aulas de infantil

 Para conmemorar este día, o alumnado de EInfantil trouxo o seu conto favorito da casa, que estes días temos na biblioteca da aula para así ir contándoos todos pouco a pouco. Unha actividade moi sinxela que nos está encantando.

Ademais tivemos a visita coma todos os anos con das nosas madriñas e padriños do IES do Camballón, que nos viñeron contar historias e pasar un ratiño con nós.

FEIRA DO LIBRO

 Por segundo ano celebramos a nosa particular feira do libro. Nela podemos mercar cos reciclos(billetes) que fomos conseguindo ao longo do mes de abril. Ademais de libros tamén podiamos mercar chapas e marcapáxinas, un éxito de mercadillo!

Nova lectura

 O noso club de lectura, " Lectores ocultos" anda a voltas cunha nova aventura, na que esta inventora xenial, terá que axudar á raíña de Inglaterra.

Paola Guimaraes

  Fai unha década que Paola Guimaraes foi pioneira na creación das aulas STEAM e e-téxtiles aplicados á eduación. Con ela e por grupos puidemos fedellar de diferente maneira en función da nosa idade. Fixemos circuitos eléctricos de forma moi sonxela, traballamos con Scratch, coa placa microbit... A verdade que veu cargadiña de ideas!