O 24 de novembro desfrutamos dunha tarde de xogos no centro coas familias do noso alumnado.
Foi todo un éxito, pois coñecimos distintos xogos de mesa, en grupo e individuas, que traballan a atención, a concentración, o razoamento lóxico, a comprensión e por suposto a diversión.
Grazas por asistir e participar.
O pasado 10 de novembro iniciamos con moita ilusión o Club de Lectura deste curso. Nesta primeira etapa comezamos a nosa aventura lectora con dúas obras moi especiais que conectan coa temática que nos acompañará ao longo do ano: a mitoloxía e os bosques, espazos cheos de misterio, lendas e imaxinación.
Os primeiros libros que estamos a ler son Erin e o lobo, de Érica Esmorís, e Axencia Galega de Asuntos Máxicos, de Miguel Alonso Diz. Ambas historias lévannos a mundos nos que a maxia, os seres lendarios e os segredos da natureza teñen un papel moi importante.
A través destas lecturas, o alumnado comeza a descubrir personaxes sorprendentes, aventuras cheas de emoción e referencias ao imaxinario mítico que forma parte da nosa cultura. Ademais de gozar coa lectura, no club tamén compartimos impresións, facemos preguntas sobre a historia e imaxinamos novos camiños para os protagonistas.
Este é só o comezo dunha viaxe lectora que nos levará por bosques misteriosos, criaturas mitolóxicas e moitas historias por descubrir.
O 30 de Outubro celebramos no cole o día de Samaín e o Magosto.
Tivemos unha mañá moi axetreada, con moitos obradoiros nos que puidemos participar e tamén un xantar delicioso, con pizza, perriños quentes e xeado e castañas de sobremesa.
No seguinte QR podedes ver todo o que fixemos!
O 23 de Febreiro celebramos o día de Rosalía e traballamos no cole os distintos "Poemas a Rosalía", despois expuxémolos na entrad...
