DIA DE ROSALÍA

 O 23 de Febreiro celebramos o día de Rosalía e traballamos no cole os distintos "Poemas a Rosalía", despois expuxémolos na entrada simulando a súa habitación coa cama e o resultado foi maravilloso. 

CLUBE DE LECTURA

 O 23 de febreiro o alumnado de terceiro e cuarto iniciou unha nova andaina no Club de Lectura coa lectura do libro Plan de rescate, de Antía Yáñez.

Nesta ocasión mergullarémonos nunha historia chea de aventuras e emoción, na que os personaxes deberán enfrontarse a diferentes retos e tomar decisións importantes. Ao longo das sesións do club iremos comentando os capítulos, compartindo opinións e reflexionando sobre os acontecementos que se desenvolven na historia.

Unha vez máis, a lectura convértese nunha oportunidade para gozar das historias, descubrir novos libros e vivir a experiencia de ler e conversar en grupo. 

ENTROIDO NO NOSO COLE

 O pasado 13 de febreiro celebramos no noso colexio o Entroido do Bosque Máxico, unha festa moi apreciada por toda a comunidade educativa.

Desfrutamos dun desfile moi divertido con música, cantamos unha parranda e tivemos a sorte de escoitar  " Os Saltos " dos nosos pequenos Xenerais e para rematar degustamos unha merenda tradicional riquísima en compañía das familias. 

Foi un día maravilloso, cheo de emocións e diversión. 

CLUBE DE LECTURA

O 29 de xaneiro o grupo das maiores do Club de Lectura comezou unha nova lectura. Nesta ocasión foron elas mesmas quen escolleron o libro: O neno do pixama de raias, de John Boyne.

Esta obra achéganos a unha historia emocionante que invita a reflexionar sobre a amizade, a empatía e a importancia de comprender o pasado. A través da mirada inocente do seu protagonista, iremos descubrindo unha historia que nos fará pensar e compartir moitas impresións durante as sesións do club.

Ao longo das próximas semanas comentaremos os capítulos, falaremos sobre os personaxes e reflexionaremos xuntas sobre os temas que aparecen no libro, facendo da lectura unha experiencia compartida.

O USO DAS PANTALLAS NA INFANCIA

 O 1 de decembro puidemos desfrutar dunha charla sobre novas tecnoloxías da man de Óscar Páramos Domínguez, psicólogo da Asociación Avante. 

Foi unha xornada moi interesante e productiva, pois puidemos aprender e reflexionar un pouco máis sobre pantallas, redes socias, canles, videoxogos, programas... sempre tendo en conta os riscos que se derivan deles.

 

25N SORORAS NO CEIP CERDEIRIÑAS

Para conmemorar o 25 N día contra a violencia de xénero, estiveron no noso centro realizando actividades de concienciación Sororas. 

Pasamos unha xornadas moi divertidas e productivas, falando entre todos e todas, reflexionando, compartindo vivenzas e aprendendo un pouco máis das cousas da vida, da historia e da nosa cultura. 

Grazas ! 

 

XORNADA XOGONA COAS FAMILIAS

 O 24 de novembro desfrutamos dunha tarde de xogos no centro coas familias do noso alumnado. 

Foi todo un éxito, pois coñecimos distintos xogos de mesa, en grupo e individuas, que traballan a atención, a concentración, o razoamento lóxico, a comprensión e por suposto a diversión.

Grazas por asistir e participar.