VIAXEIROS DO CERDEIRIÑAS

 Este curso as mochilas viaxeiras levaban unha tarxeta de viaxe que cada un /unha completou como máis lle gustou. Viaxes ilustradas, inventadas e reais...todas están expostas na entrada do noso colexio.

A VOLTA AO MUNDO EN 7 DANZAS

 Un festival cargado de emoción, e que pechou o noso Proxecto Documental Integrado "Mundo Diverso", que neste último trimestrese centrou no mundo artístico.

CERTAME ARTÍSTICO " A zafra de Paco"

 Os nosos veciños da Fundación a Solaina convocan este certame artístico, ao que nos invitan a participar!

OBRADOIRO DE RECICLAXE

 Con motivo do Día do medioambiente, elaboramos unhas cuncas con papel reciclado. Vivimos todo o proceso:rompemos, mollamos, amasamos, apretamos...ata elaborar coas nosas mans estes recipientes tan bonitos!

LETRAS GALEGAS 2024

 Adicamos este día a Luisa Villalta, cun programa de radio e co noso mural como cada ano. Así de fermosa toca o violín a autora no noso corredor.

MEDICIBRÓN

 Medicibrón é o noso xabón! Un xabón feito con ingredientes naturais enriquecido con aloevera. Elaborámolo coa axuda da nosa coidadora ( a voz sabia no tema), pensamos un nome, deseñamos a etiqueta e envasámolo para levar ás nosas casas polo día da Familia.

Día do Libro nas aulas de infantil

 Para conmemorar este día, o alumnado de EInfantil trouxo o seu conto favorito da casa, que estes días temos na biblioteca da aula para así ir contándoos todos pouco a pouco. Unha actividade moi sinxela que nos está encantando.

Ademais tivemos a visita coma todos os anos con das nosas madriñas e padriños do IES do Camballón, que nos viñeron contar historias e pasar un ratiño con nós.